Tuesday, March 14, 2006

豆角炒粒粒

eh...吃粥代飯原意是想清清腸胃,料想不到到最後垃圾比平日還吃多了,光是那個被選為最不健康食品的干燒伊麵已叫我們卡路里超標。味粥豉油皇炒麵也在此談過了,干燒伊麵我也弄得不特別好吃,不如談談那碟豆角炒粒粒。這菜是從阿蘇的節目中得到靈感的,橫豎週末吃剩了幾舊叉燒火腩,可以派上用場,先切粒備用。冬菇和菜脯切粒,炒香先盛起。豆角切粒中火炒至熟透,下雞湯,其他材料回鑊兜炒,略用鹽、糖、麻油調味攢酒即成。這味菜是用來撈粥吃的(還特意買了盒台灣肉鬆)。不過,最好吃還是用來撈飯,我倆真是不折不扣的大飯桶。

哎呀,重看豉油皇炒麵那篇,瘦肉其實要比紋斜少少切,雞肉才是順紋切。

2 comments:

jeeeee said...

嘩..呢度幾時變左 K can cook 同 '梁太世界', 一連post左七大個食譜, 想引死街坊丫,定還是想人知道梁家有位入得廚房出得廳堂上得...o既準梁太太呀?? heeee..

kristie said...

1.因為上個禮拜成個禮拜無煮,好餓自己飯.
2.我發現最多人睇都係我d食譜,所以無謂再寫d無聊野悶親人.
3.呢個禮拜好得閒,所以回復番xanga年代日日幫餐飯影沙龍.>_<
我想知最尾o個句係咪-上得...神檯?