Skip to main content

食物敏感一年後

罪魁禍首便是這塊新鮮焗香噴噴的果仁莓果美式scone。

我吃了第一口後喉嚨便開始有反應,像被萬枝針戳的刺痛,我便知道我的食物敏感又發作了!梁生立即衝去酒店的商店替我買藥,藥吃過後還未產生作用我便已經難過得去廁所把方才吃過的全數嘔了出來。邊嘔邊便出現昏厥現象,我以為自己便會這樣在酒店廁所裡暈倒,幸好迫自己把黃膽水也嘔光後情形才得到改善。

梁生他們趁我還在廁所便匆匆結帳,把我扶上車,著我多吃一粒藥,便直駛回家。食物敏感第一反應嘔吐過後,我便開始有第二反應,眼腫和全身痕癢。我看着自己雙手漸漸變紅,心中也害怕起來,因為這次比一年前我第一次食物過敏反應來得更快更厲害。梁生說,藥吃過了四十五分鐘如果還沒有消腫便要把我送去急症室,我當時求神拜佛要立即好過來,可惜身體不爭氣,我的紅風疹一直從身體漫延到頸項,於是我們七點多便走了去醫院。

當值護士一看見我便立即帶我入病房,數位護士和一位見習醫生圍住我氹氹轉,眨眼間已經替我打了數枝針和吊鹽水。呀見習醫生幫我打針時似用打樁機撬嘢,痛得我標眼淚,白色床單上還留下一個五元般大的血印。這些程序一年前我也試過,不過醫生話我的肺部和喉嚨腫大呼吸有關難,所以要用喉吸氧氣,當那護士把條膠喉插入我鼻孔裡我便嚇壞了,這樣的事我只在電視裡見過。我後來還開玩笑學大契垂死般跟梁生講話,只是差了頂白色帽囉。插鼻喉兩個多小時後,醫生決定讓我吸另一款氧氣,是電視劇集裡經常出現白車送人到醫院那種蓋住整個鼻和口透明那種。其實我覺得情形有點滑稽,去吃high tea吃到這樣瞓急症室插晒喉。吸完氧氣我又要繼續插鼻喉,插鼻喉插得久了好辛苦,整個鼻和口也一陣酸味。我當時跟梁生講,如果最後幾年要這樣子過其實痛苦得生不如死。最後折騰了數小時我終於可以回家了,感覺非常超現實,方才才淹淹一息,現在離開醫院時紅腫已經全部散去老虎也打死得幾隻。食物敏感絕對是快快來快快有生活危險又快快去快快回家的一種症狀。

還記得早兩個星期梁生才問過我有否記起你食物敏感入醫院的一週年紀念,我還說笑千萬不要再試了,真是好嘅唔靈醜嘅靈。嗯,我要的起心干到診所驗清楚我究竟對什麼食物敏感(我一直以為我只是對菠蘿和芒果有反應),你說會是果仁加浸過防腐劑的生果嗎?

Comments

冬冬 said…
妳咁樣真係唔掂喎﹐有冇得去醫生度詳細做一次敏感測試﹐睇下妳究竟對乜野敏感架?
Lisi said…
yes, yes, you need to do a thorough test...please take care :-)
Anonymous said…
"菠蘿和芒果", 今次又草莓... 定係果仁? 好彩快速去ER. 小心呀!
啊澤 said…
OMG

我對果菜也有同類反應

jk

其實你弄那麼多食譜﹐怎麼會不知道自己對啥食物敏感呢? 多多保重身體啊寶師奶
新鮮人 said…
多多保重,
唔好咁為食呀! :)

ps:做個test雖然唔喺萬能,但好過唔做呀!
Anonymous said…
嘔是不是食物過敏的一種反應? 我吃龍蝦, 魚翅及奇異果都會有你類似的反應啊, 前兩者食完又嘔又發燒, 後者就腫, 但沒有你那麼嚴重喇. 我一位 Aunt 的食物敏感跟你很類似, 不過她以前吃同類食物沒事的, 不知何解突然出問題 (其實我也是), 結果經常食錯野, 成日處於口腫眼腫面腫的狀態, 試過個樣同浮屍一模一樣. 不過她對有蛋白質的食物敏感囉. 你快點去做敏感測試啦, 不過好似每次只是測十幾種致敏原, 成效好視乎你比到幾多資料醫生. Take care~
tofufa said…
Take care and please do the test asps~
Anonymous said…
哎呀你沒事吧
我很明白食物敏感有多痛苦
因為我也對很多食物敏感

下次多多小心啦~
祝 大家都身體健康!
bbj said…
聽聞一滴血就可以驗到九十幾種敏感嘢.去試吓啦!
kristie said…
冬:啜~*

lisi:啜~* 你返香港未呀?

mad dog:啜~* 真係唔知......可能both呀!

嬲:你收皮.

fresh:唔為食係唔得架.>_<

miumiu:嘔係食物敏感反應之一,不過發燒唔知係咪喎. @_@ 我以前都無事架,可能係因為身體差左免疫能力唔夠所以先突然起反應.

tofufa:啜~~* 可能到我死既一日我都無機會見下你呀嗚嗚.

蕉芒:次次見到你個名我就會記起自己無得食芒果.祝大家都身體健康,尤其你,追星花好多精力啦,kekek~~

bbj:我諗住做o個個係要篤背脊架,唔知係點既呢?應該係你話俾佢聽你覺得你敏感咩,佢就整d落你背脊咁.
Anonymous said…
嘩...我一排無來...竟然得悉你這樣的經歷...真令人擔心啊!我估你對果仁敏感??

食物敏感好恐怖...請小心保重~
Anonymous said…
嘩,咁樣真係好危險喎。你有無諗下去做敏感test呀?我有次係clinic見到有poster,個test唔知叫做咩food tolerance test。

你食野真係小心d喇!我以為d人食海鮮先會咁,點知你食舊scone都有事!保重呀!!!