無錫排骨

我今晚原先打算煮茄子炆排骨，所以排骨切得比較細，作無錫排骨的話要大塊一點。排骨用糖、生粉、生抽、老抽醃至少半小時後，下鑊炸至上色盛起。蒜頭數粒、薑一片及蔥段幾條下鑊爆香後放入排骨及清水至掩排骨面，下冰糖、生抽、老抽、紹酒各少許、一粒八角及一湯匙茄汁（或鎮江醋），小火炆一小時左右，最後加少許片糖上色再炆至濃稠即可。

我好像從未解釋過為何要下冰糖，除了肉質較易煮腍外，冰糖會令湯汁閃令令靚爆鏡。