收音機和水樽

有天在家吃晚飯，電視播放一段政府資助提供有關地震知訊的廣告短片，呼籲市民索取地震防禦設施中文小冊子之餘，還要記謹隨時準備收音機以便地震發生時收聽新聞消息。梁家兩仔毑立即討論家裡的收音機除了插電還可以用乾電，要快快找天買兩粒大電回來云云。聽了後我忍不住插嘴，（我們飲用食水用蒸餾水機，定期有人送水來，可是梁老太在的這幾個月我們竟然沒有加水，往往在差不多飲光所有存貨時才有人送新的水樽來）如果地震撞着像數天前家裡蒸餾水剛好全飲完時，你得部收音機，接收到新聞話「三藩市大地震全部水管震裂，全城缺水供應」，但是屋企一滴水都無，有鬼用咩！梁老太話咁現在訂多樽水囉，我話幾個月前叫你們訂又唔訂，現在你都就嚟走啦，訂乜鬼吖！（完全不知尊重長輩為何物呀我我呢個衰女包）（為什麼梁老太如斯緊張地震？因為呀蘇師傅話三藩市今年震硬喎。唓，農曆新年打後已經震了兩次啦，震得越多越好呀，讓呀地發洩多一點，才不會一次過來個暴走呀。）