Skip to main content

蝦子冬筍

記得一年前看阿蘇的煮食節目有集教弄冬筍已經看得我口水直流,可惜梁生皮膚問題不吃筍,我也便一直沒有機會嘗試此菜。上個月街市冬筍樣子肥美,我狠下心腸跟梁生講數:「我整咗出嚟你可以唔食,不過唔可以阻止我整」。

冬筍去皮滾刀切塊,汆水兩三分鐘,隔水,啤水數分鐘(家裡有冰的話當然可以依阿蘇做法浸冰水)略抹乾。然後放入滾油,轉中火泡油至外皮金黃,撈起放在吸油紙待用。熱油一湯匙,倒入一湯匙蝦子,炒香,冬筍回鑊,下蠔油調味兜勻即成。連梁生也忍不住口吃了好幾舊。

最新一集阿蘇教弄糕,片尾對話看得我心一沉,我是不節不扣的蘋果型少女,我對麒麟臂不知劈過多少雞骨、剁過多少肉餅、抬過多少平貨上樓‥幸好我對香雞腳呃得吓人咋(初中打波還有個靚靚小腳瓜)。真係師奶唔易做。

Comments

新鮮人 said…
我都有時會諗,
如果啲師奶日日剁肉餅,
唔知佢地啲bye bye肉會唔會唔見哂?
kristie said…
fresh:我可以親身經驗答你:bye bye肉會唔見,不過係變左做肌肉,實的的,仲衰.
新鮮人 said…
oh 2 bag! (TOO BAD)