蝦醬火腩炆茄子

梁生生日我專程駕車到他喜歡的燒味店買了叉燒和燒肉，你知啲燒肉佬問佢要一磅佢唔俾夠磅半你都誓不罷休，所以吃剩很多，避免又被梁生責怪浪費食物，所以昨晚弄了這味加個叉燒炒蛋，食晒，好嘢。賣相比較醜，因為當我已經差不多煮好之時，梁生竟然話要落去跑步，唯有熄火等他回來再煮便變成這樣。

這個是食神韜韜創作的菜式，改自材料包括蝦醬、燒肉、韭菜和炸豆腐的廣州特色菜大馬站煲。燒熱油，爆香蒜蓉、紅蔥頭碎和蝦醬，倒入燒肉炒勻，灒酒後加水至半蓋燒肉面轉小火先炆五分鐘，然後放入已用中火炒熟至軟身的茄子再炆五分鐘，臨尾轉大火收汁埋獻即成。