Thursday, July 08, 2010

小矮人

不要以為這班長輩是一般的香港中年人,事實上,我阿嬸是名五呎八吋高模特兒骨架的俺尖美女,她在巴士上講及公司裡現今的小朋友如何激親她我是笑了一整天的,「我係唔俾佢哋著涼鞋返工架,佢仲話番我,咩呀birkenstock嚟架成600蚊對的。」過了沒多陣她又八掛想看看我男友的模樣,我說「你連涼鞋也唔俾人著,你實踩到我男友一棟都無,唔俾呀!」

然後阿嬸的三名中學同學,其中兩個是空姐,可想而知都是絕色之人,中年咗仍然甚有風韻,一個啲氣質咇晒出來,在巴士上拿本moleskine出來寫呀寫,另一個一身撇脫古銅色,一有空便與我們的導遊和司機們狠狠地抽煙,最後一個是看上去才三十出頭白白滑滑,會用一天的時間打一個中文sms給正在考試的仔仔的媽咪。

第五名美女是爸多年的朋友,曾經一個人走去南美四個月,話要學跳探戈,但抵步第二日便扭傷隻腳,是名漂亮到男人望一眼會溶的開朗快樂智慧女人。最後兩名便是爸的工作朋友,一對剛退休功成身退要環遊世界也不忘時時做義工的夫婦。

一行十一人,最「yap」是我,自問我在朋輩間也算出色,但站在他們光芒身邊我即刻變成個又黃又醜又肥的小矮人。但對我來講是好事,因為可以十多天望靚嘢喎。旅程第二天我便發覺全團人(除了我及爸老婆兩個內雙外)個個雙眼皮都勁高勁深(完全跟青藏沒有關係),然後我便發覺原來我阿爸呢個人擇友條件,係「靚」囉。

2 comments:

Anonymous said...

乜你講到個個都好似絕色中女咁...
有冇相為証 XDD

kristie said...

@無名 你只能夠信我。