愚公唱k

死啦，我聽日同許誠毅去唱k，好緊張，我應唔應該拿啲嘢俾佢簽名呢？不如俾我背脊佢簽然後十日唔沖涼？唔知佢會唱啲咩歌？會唔會係《李香蘭》？唔知可唔可以叫佢畫隻熊貓博士同YY俾我呢？然後擦爆鞋話我最鍾意就係「愚公移山」嗰集，我份人就最鍾意移山，就算我而家打command打到手震我都會繼續移，移到我學識為止，唔該留我晌你身邊斟茶遞水，下刪幾百萬字客套話‥會唔會太aggressive呢？

這些聯誼活動是我一聽到話唱完k會上許誠毅屋企玩立即爛塊面r返來的，得啦得啦，我明呢行最重要是大小聯誼，三唔識七都how are you、how's your weekend，每日認識新朋友要記實人個名，然後晌走廊見到要喊驚咁喊到人地唔好意思，當然唔少得日日煠熟但係兩眼就要發光最好就十足史力加隻貓咁扮蟹得嚟好醒目、踏實得嚟有憧憬、可愛得嚟又勤力啦。

好啦，唔講啦，我要去執靚個樣，要鞏固未來工作可能之餘我仲要去為自己覓個老實、有本事、有錢、錫我、又沒有什麼親戚的男人去嫁呀。

關於許：文匯報、史丹利五、蘋果