Skip to main content

苦瓜炒蛋


苦瓜打直切半,挖走籽切條,用鹽醃約三十分鐘,倒走苦瓜出的水後便沒有那麼苦。苦瓜放入加了油的水中灼至水番滾撈起隔水待用。三隻蛋加鹽、胡椒粉和麻油打勻,下蔥粒和少許生粉水。我剛好有吃剩的叉燒,切小粒與乾蔥一同下鑊爆香同放入蛋汁(這步驟可以隨意省去)。苦瓜下紅鑊略炒,倒入蛋汁,待周邊定型後才開始炒,大概八成熟便可上碟,不然餘溫會令蛋變老。

Comments

新鮮人 said…
苦瓜?
no way!!!!!

無話什麼高手整嘅我都唔知!
甘又好,苦又好,
我都不愛食! :(
Anonymous said…
我好鍾意食苦瓜, 之但係我唔識炒, 所以冇得食 =(
睇你寫呢度好似唔係好難咁,我諗我可以去"依葫蘆畫瓢”試玩一次。
但我有個問題, 生粉水係乜黎架?? 點樣整出黎?? (唔好意思,問題可能比較低能,但我對煮嘢食係一竅不通,雖則餐餐都係要靠自己搞掟 =p )
再有,苦瓜唔出水就咁炒得唔得架? (嘻嘻, 我想懶得就懶, 切完就咁炒, 省時間 ;p)
kristie said…
fresh:其實我都唔鍾意食苦瓜,不過最近好熱氣,無計.

匿名苦瓜王:生粉水其實只係約三茶匙水溝大半茶匙生粉用手指攪勻.生粉水用途係收蛋汁+苦瓜會出的水份,令到炒出嚟既蛋唔會一patpat咁.(唔低能啦,我琴日打o個陣都諗左陣其實有無人會明我講乜,不過我太眼瞓所以是旦囉)

苦瓜出水原因有二:1.出水後無咁苦,2.出完水唔駛煮咁耐(因為都熟左啦).如果你食得苦,又唔介意苦瓜晌落蛋汁前要中火煎炒約廿分鐘(中途最好攢少少酒去臭青味),唔出水都無問題架.
Anonymous said…
解釋得好詳盡, 唔該曬!
但"茶匙"係咩概念呀?個匙要幾大?
中途去青味果啲酒要用咩酒??
kristie said…
匿名苦瓜王:茶匙即係teaspoon.去茶餐廳飲奶茶用o個支就係茶匙.酒,係紹興酒,米酒都ok,如果你兩樣都無而只能買一支我會建議買紹酒,因為用途較廣泛.
Anonymous said…
唔好意思, 繼續問低能問題... =p
生粉係咪即係cornstarch呀??
紹興酒同米酒最大分別係邊?? 點解話紹興酒用途廣啲呢?? 廣係邊方面?

你同你honey實在太神奇啦,乜都識整咁既!但睇你啲相又見你keep得好fit喎....
kristie said…
匿名苦瓜王:雖然生粉同鷹粟粉係唔同的,不過我習慣講生粉(其實用的卻是鷹粟粉=cornstarch).

紹興酒同米酒最大分別在於佢地根本係用唔同材料釀造既料酒.紹酒除左令餸菜煮出黎更香,亦可以癖腥臭味,無論煮魚,肉定菜都可以用,米酒雖然功用相近,不過煮某d餸菜味道就會較濃烈.如果你想知道更多關於料酒,可以晌網上面查下.
Anonymous said…
剛剛想做個苦瓜炒蛋, 唔識整, 好彩上網查一查, 照著你的方法一試, 笫一次煮OK左, 真係一D都唔苦, 多謝你的食譜分享呀!
kristie said…
哈哈!多謝!