夏日消暑越南粉限量版ｉ檬

最近和梁生發明了個新玩意—ｉ檬。人肉iPhone是也。按他肚皮撥號，耳朵貼在他心口便可以開始喂喂喂和他通話，襟嘴仔等於收線，眨眼等於影相，還可以放Ｕ挑短片載歌載舞，要接藍牙便拖手，ＵＳＢ跟叉電方法一樣—插屎忽（所以我有好多data要過）。XD　

我部ｉ檬仲識煮嘢食，夫復何求。今晚的晚餐是梁生自製漢堡包，除了溶在漢堡上的芝士、生菜和蕃茄外，還有煮軟洋蔥和較特別的牛油果（california burger嘛）。那個蚊香形茄汁是我傑作，好食到嚇死人，食完明明話我洗碗，我部ｉ檬竟然趁我拖得就拖時幫我洗埋。

不過真係不要過份曬命，好像我，寫完早幾天那篇悠閒退休生活之後便好像中降頭咁忙到未停過。曬多兩曬容乜易一陣我部ｉ檬有蟲要回廠？

還有，現在貼上來用大牛龜拍的的照片十足手機照，唉，救救小君君行動基金呀！！（你們信唔信我怨多幾下就會有位匿名善長人翁獨力捐輸助我捱過困境吖嗱？）