Skip to main content

為藝術而犧牲

這個是功課,本想用鐵線做框架,後來梁生這個機械工程師提議叫我不如先用鐵線衣架用鉗扭開看看能否扭到我要的形狀,然後我扭了個多小時,彎曲了的地方任如何扭也不能扭直,太灰心了便跟梁生吵起來話他好昆我用衣架。最後晚上十點死死氣走去木店買木,兩條七尺的木條我用店裡爛得不能的鋸慢慢鋸開了十二塊,那滿佈木屑的接口那裡像用鋸鋸開,根本就像大力士用手拗開的。梁生全程只有提供心靈上的支持,手指尾也沒動過幫我,還口口聲聲有兩大理由:我自製油畫框木工經驗比他多(我知道以前他聖約瑟小學開始已經有木工課)(我學校有電鋸提供不需要用手一下下鋸的)及自從與我吵完後他發誓不會再參與(口與手)我這個功課。回到家我才發現手掌起了水泡,怪只能怪自己用蠻力,我鋸到最後幾塊才想起從前看電視鋸木大隻佬的鋸全是傾斜呈四十五度角的,這樣原來受力最好。用沙紙磨平木邊後我再花多數小時釘成框架和「縫補補」那十二張紙吊在木框上。最後一步便是投影我做的一條片在這舊嘢度。這樣搞一搞完全超出了我的時間預算,我還有幾十萬件事情等住我做。效果還要強差人意,真是為藝術而犧牲。

Comments

新鮮人 said…
幾好玩喎,
好似我以前讀foundation啲習作喎!

嗰時有啲女同學好怕做哩啲嘢,
次次都係嗲啲男仔幫手架! :p
啊澤 said…
我以前每一件project

都完全超出了我的時間預算

後來發現只要不設時間預算

project就做得輕鬆D
sheungyee said…
我的逗木經驗是你放一條木係圓梯上,再bend身踩住鋸,唔出力架,係重覆個動作佢就會斷開。
做work其實每次都係對面對'夢想'與'現實'的分別,成日諗完個艾d呀,覺得都會做到或者好易做,每每做做半路就知,次次都眼高手低!或者做完好肉酸。
好想睇你個work,crit下,等我又post d work係blog樹先,成日做完work交功課就收埋,好慘,無機會見天日,得番d相緬懷,哦,竟然做得咁肉酸都咁交?(笑)
kristie said…
fresh:簡直係自己攞嚟賤,唔需要咁花時間去做.

嬲:我地都係藝術家脾性囉.

sam:我勁想睇你d work,幾年前知你係scm已經想8下啦.我d同你d比一定係蚊同牛,我都厚面皮post啦.多謝你個逗木tips,我諗我以後都係返學校用電鋸算喇.-_-
Anonymous said…
認真問架,呢件藝術品應該要點欣賞架?
Anonymous said…
哈~~見到個chow字 好有親切感~~~
kristie said…
眼,蕉芒:
其實係講我十二年無見過我姓徐既阿爸,改左跟第一個後父姓周。十二張越變越大既紙,逐張由徐變成周,再投影段呢十二年既照片落去,後面既一張紙一定被前面o個張阻住,有一忽無左投影。