波士頓自助遊

我在紐約的那個星期，與媽坐單程也要四個多小時的旅遊巴士到波士頓自助遊兩天。到達的時候已差不多下午四點，我原打算在附近的下城逛逛街便回酒店好好睡一覺，我媽卻堅持要徒步走畢全條波士頓旅遊協會提供的「自由足跡」路徑，歷時三小時。冒雨沿途看什麼全美第一個公園，第一間公立學校；在終點那個不知名的紀念塔前面我終於忍不住粗氣地：「開心啦你╱睇到個爛鬼塔啦╱仲想點吖你」呼喝我媽，至今回想仍感內疚，希望我死後不用下十八層地獄。食完下圖的龍蝦，到昆西市場食意式雪糕，食食下又不知為什麼炒大鑊，最後還弄到各自回酒店。第二天我媽嚷著要跟輛哈佛貨車拍照，在滿是哈佛一流學生的街道上我這個不孝女因為怕尷尬斷然拒絕她的小小心願﹐然後還拋下她老人家獨自去波士頓藝術館看高更。回到紐約後，我多晚在無網上無電視的情況下面壁思過，發現自己行為人神共憤；所以打後數天扮豪狂碌卡請媽吃飯又送禮，以挽回我那已叉入地獄的半隻腳；現在正式破產，還要給梁生罵我做人不居安思危、不懂理財、毫無錢銀觀念。

波士頓有好多帶眼鏡的靚仔，看來我真要俾心機讀，去考哈佛，隔離間騎樓底大學。到時識到個四眼靚仔哈佛生，仲駛鬼要屋企呢個（渣好多的）史丹福肥仔咩，理得佢話唔話我無錢銀觀念啦。哼。