廚房事記

雖然我常在網上開玩笑自居美少女廚神粉絲無數，其實我在煮食方面也受過梁生不少冷嘲熱諷，例如：「如果我要煮，實可以煮得好食過你啦！」及「你比起我呀媽差幾皮啦！」等等。不過經過過去一個星期「梁家親子活動廚房樂」，遇過「生雞翼，我鍾意食」及今天新鮮滾熱辣「十二碗水煲成三碗水多多陳皮少少西洋菜苦過弟弟浮蟲湯」（請謹記西洋菜湯避免苦澀要水滾開後才下菜）等事件後，我感覺到梁家上下二人已開始意興闌珊打算永久退出廚壇擁我回廚神寶座。今天吃過飯後我「分工合作」洗碗時，我向梁生說他呀媽根本唔識煮飯何來我會差她幾皮後，他反口話當初他所說的其實是湊大他的外婆，所以我也快快口築個靚台階給梁生落說「其實我洗碗咁毑西，真係唔應該負責洗碗囉，我覺得我都係適合煮飯」，梁生瞪眼回答「你知就好啦」！其實這不是一場比賽，沒有你勝我負的一回事，我迫到你認你同你呀媽煮得沒有我好不會有人頒個金牌給我，而且梁老太養尊處優好食好住多年忘記了如何煮飯也理所當然，你平日看我一小時不夠弄三個小菜像好簡單，卻沒有想過你每次在我旁見熱油從鑊裡彈出來走也走唔切那些油是切切實實停在我手腕上的。我眼緊廚房的一切也無非想把一件事情用心做好，讓你我吃得好一點，讓自己覺得自己還有別的用處罷了。╱╱╱╱各位等我食譜等到頸長的粉絲們，現在離我東山再起的日子不遠了。