實的的

其實我好希望能在這裡寫更多，只是每天在辦公室已經寫數千字，回到家個腦都實晒，只能做些簡單家務，行行企企等夠鐘上床睡覺，還要氹自己，放鬆啦放鬆啦，幾乎晚晚發夢見到市府班人，同自己講，不如周末去跑步啦，但我又懶，不用上班時時間都不知走到哪裡去，好大壓力，連友報替採主也跟我說：「我漏了市長搞婚外情單新聞時也沒去跳金門橋啦。」係啦，放鬆啦，漏新聞真係唔駛死，做好本份盡了力便成了。今晚我在家弄擔擔麵時，市參事主席打電話來，我說：「喂，我個留言琴日咖喇，咁不如我問你我男友好想我問你呢個啦，你選舉時標榜公共交通又揚住踩單車，點解你農曆新年遊行時要坐開蓬車，唔坐單車呢？」然後他笑答，哈哈哈他無咁諗過喎。從這事我學到的，是以後留人家言，記住記住留日期及死線時間。係喎，紀事報早兩日也寫錯市參事主席畢業於史丹福啦，從錯誤中慢慢學習啦。