保 釋 候 審 期 之 開 心 同 樂 日

１ ． 又 話 飲 沙 參 玉 竹 湯 會 好 訓 ？ 點 解 我 飲 完 琴 晚 兩 點 半 上 床 戀 到 四 點 先 訓 得 著 ？

２ ． 我 呢 幾 日 已 經 成 為 拼 字 白 癡 梁 博 士 生 既 專 用 會 議 論 文 自 動 人 肉 串 字 機 。

３ ． 琴 晚 食 飯 睇 瀟 灑 走 一 回 羅 慧 娟 真 教 人 倒 胃 口 。 介 紹 西 雅 圖 點 睇 都 唔 似 關 Caramel Apples 事 （ 其 實 可 以 講 下 Starbucks 點 樣 晌 此 地 發 源 ） ， 唔 通 真 係 好 似 龍 應 台 個 仔 話 齋 『 這 就 是 歐 洲 的 美 好 之 處 ： 往 任 何 一 個 方 向 飛 兩 個 小 時 ， 你 就 進 入 一 個 截 然 不 同 的 文 化 。 在 美 國 就 不 行 了 ， 飛 到 哪 都 千 城 一 面 。』 ？

４ ． 之 後 我 就 好 無 聊 咁 做 左 樣 我 一 直 想 做 既 事 ， 就 係 計 下 我 其 實 去 過 美 國 幾 多 個 州 。 由 於 我 根 本 已 經 唔 記 得 自 己 去 過 咩 地 方 ， 所 以 唯 一 辦 法 就 係 拎 d postcard 出 黎 數 。 我 晌 紐 約 o個 幾 年 大 大 話 話 都 參 加 過 唔 少 唐 人 街 大 陸 巴 士 旅 行 團 。 我 淨 係 DC 都 去 左 不 下 三 次 啦 。

拿 ， 我 坐 巴 士 去 過 最 北 既 Maine 同 最 南 既 Florida ， 理 應 經 過 晒 沿 岸 所 有 既 州 架 ， 就 算 無 觀 光 都 有 落 車 痾 尿 喇 呱 ！ 你 睇 下 我 幾 廣 博 ！

５ ． 我 今 日 放 學 啪 左 五 個 多 鐘 頭 文 化 人 類 學 影 帶 ， 呢 一 刻 我 可 以 分 得 出 玻 利 維 亞 、 新 幾 內 亞 、 亞 馬 遜 流 域 等 各 土 著 身 穿 既 唔 同 內 褲 牌 子 ， 當 中 當 然 包 括 而 家 最 潮 爆 既 「 國 王 的 新 衣 牌 」 啦 。

６ ． 我 原 來 諗 住 呢 個 weekend 好 好 溫 書 我 就 獎 勵 自 己 可 以 睇 漫 畫 ， 點 知 個 weekend 未 開 始 我 已 經 睇 晒 。 係 呀 ！ 係 我 足 足 有 一 整 年 無 睇 過 既 hunter 呀 ！ 好 感 動 呀 ， 自 從 打 爆 左 GI 後 我 就 再 無 追 喇 。 你 淨 係 睇 我 等 左 成 年 先 出 得 o個 兩 本 你 就 知 阿 富 堅 義 博 兄 幾 識 折 磨 人 啦 ！ 無 計 ， hunter 永 遠 係 我 既 最 愛 ， 我 睇 完 呢 刻 振 奮 既 心 情 真 係 難 以 言 喻 。 如 果 各 位 對 現 實 社 會 不 公 不 實 既 憤 慨 無 渠 道 宣 洩 又 有 多 餘 時 間 精 力 你 就 去 下 載 黎 睇 啦 。 用 埋 快 左 好 多 既 最 新 ACDsee7.0 ， 將 享 受 推 到 極 限 。 哇 ————

７ ‧ Captured from 陳 慧 琳 - 最 愛 演 唱 會 。 歌 詞 ：
you grab my soda can
and you hold my sweating hand
I long to see the boring band
Because I'm your super fan

似 乎 係 隊 band 真 係 太 boring 所 以 Kelly 要 做 粗 口 手 勢 。

８ ‧ 唔 駛 爭 ， 我 地 一 個 二 個 都 係 一 舊 舊 既 mung 薑 （ 其 實 係 提 前 更 年 期 ） 。

講 完 咁 多 廢 話 我 都 係 時 候 早 抖 。