冇漏

還有一個星期便回香港去。飛機要降落時那些藍水綠山，機場大樓那股消過毒的冷氣味，乘機鐵經過青衣密密麻麻的住宅，這些景象都觸發我記憶裡「家」的抽屜。但事實上，香港已不再是我肉身的家，每次回去，總感到，甩漏、趕忙、迷失。今年，是否可以準備得好一點？不如當自己去異地旅行，在openrice找來餐廳排行榜，在timable找來好去處，再寫個list：趕尾水食大閘蟹、食鵝頸街市根記齋、生日食鮑參翅肚、做針清加facial、去天光墟、睇鐵打、配星鑽con、買離子導入機、申請內地銀行戶口、上個工聯會堂（港式茶餐廳奶茶調製！！），仲有冇漏？排得行程滿點，便不會再像隻孤魂野鬼。