蝦子冬筍

記得一年前看阿蘇的煮食節目有集教弄冬筍已經看得我口水直流，可惜梁生皮膚問題不吃筍，我也便一直沒有機會嘗試此菜。上個月街市冬筍樣子肥美，我狠下心腸跟梁生講數：「我整咗出嚟你可以唔食，不過唔可以阻止我整」。

冬筍去皮滾刀切塊，汆水兩三分鐘，隔水，啤水數分鐘（家裡有冰的話當然可以依阿蘇做法浸冰水）略抹乾。然後放入滾油，轉中火泡油至外皮金黃，撈起放在吸油紙待用。熱油一湯匙，倒入一湯匙蝦子，炒香，冬筍回鑊，下蠔油調味兜勻即成。連梁生也忍不住口吃了好幾舊。

最新一集阿蘇教弄糕，片尾對話看得我心一沉，我是不節不扣的蘋果型少女，我對麒麟臂不知劈過多少雞骨、剁過多少肉餅、抬過多少平貨上樓‥幸好我對香雞腳呃得吓人咋（初中打波還有個靚靚小腳瓜）。真係師奶唔易做。